Slaaf van "die goeie ou dae" . . .

SLAAF VAN DIE “ GOEIE OUE DAE” . . .

Lukas 9:62 het ek gelees, toe ontdek ek die:

God is nie beindruk met mense wat nie dankbaar is vir wat hulle het nie… om baie eerlik te wees het die lewe my geleer en gewys, dis juis diesulkes wat die maklikste en vinnigte in sonde se strikke val…

Dink vir n oomblik terug aan die kinders van Israel, toe hulle nie kry wat hulle wil nie, neul hulle, kla hulle… soveel so dat hulle die “die goeie ou dae”  onthou het…

Dis n klassieke voorbeeld van teruggly in sonde se strik… Hoeveel keer vertel jy nie vir God “hoe goed die goeie ou dae” was in jou lewe .. . .hoeveel keer verlang jy nie na die “goeie ou dae” nie…. Hoeveel keer wonder jy nie wanneer jy nou deur storms gaan hoe goed “die goeie ou dae” was… Hoor my hart, moeilikheid begin vinnig wanneer jy jou lewenspaadjie se voetspore begin verwyt in hierdie lewe …jy word n baksteen in jou eie pad en wandel met God…

Ek kan die prentjie van die kinders van Israel volkleur sien…. Hoor hoe kla hulle oor die nuwe skoene wat hulle nie kan kry nie…. Dit terwyl die ou skoene se tyd nog lank nie oor en uit is nie…. Hoor jy jouself tussen die woorde… ek moes… O hoe het hulle nie geneul en gesmag na n splinternuwe klerekas , terwyl hulle nie eens die bestaande klere eens kon klaar  dra nie…Stel jou dit  voor: hulle was in die middel van n voorsiene beplande God-gegewe wonderwerk te blind om te sien. . . is ons nie soms oop-oog blind nie….

O liewe mens, ek smeek jou, moet nooit ooit teruggaan na n slawerny van Egipte mentaliteit van die “goeie ou dae”, Kies n gesindheid doelbewus van lof en aanbidding om lofprysend te bid vir dit wat God jou wel gegee het en wat jy het, nou, vandag, op hierdie oomblik.. So kwalifiseer jy vir nog meer seen en voorsiening uit God se Hand en Hart.

Enigiets minder as dit het ek ontdek kwalifiseer jou maar net om die lewe op jou eie te hanteer. . . sonder God se seen, guns, voorsiening, beskerming om van leiding rigting nie eens te praat nie… Ek weet, was daar…dis nie lank of Hy lig Sy Hand van jou lewe vir n klein rukkie (wat soos n ewigheid voel) en dan laat Hy jou toe om al die “seen van jou  Egipte te geniet” …dit sluit in slawerny, brutaliteit, allerhande “gunste en gawes” wat die lewe jou kan bied buite God se voorsiening…

GLO MY asb…. die ERGSTE DAG dag in God se Koninkryk, is by verre beter as buite Sy Koninkryk. Bewaak jou tong…wees dankbaar vir wat jy het en God sal jou kwalifiseer om net Sy Beste te ontvang in hierdie lewe….Hy vertrou net Sy Beste toe aan hulle wat betroubaar en dankbaar is. . .

Ja, ekself is soos n Rut, op die dorsvloer van die lewe gestroop… naak oorgebly…met selfs net n naakte…dit was genoeg…God is Genoeg… daar in my “moabsveld” het ek geleer wat betroubaarheid en dankbaarheid werklik beteken en nooit ooit sal ek dit weer vergeet nie, dis ingegraveer in my hart my siel my liggaam my alles….min het vir my skielik meer geword… en ek is stil tevrede met Hom soos Hy stil tevrede met my is…

Bid saam met my hierdie gebed : 

“ DANKIE JESUS….dankie vir lewe, vir hoop, vir Vryheid, vir n onbeskryflike rede om te lewe – vir U en U Koninkryk!  Ek het geen begeerte om die herinneringe van die verlede, die “goeie ou dae” na terug te keer nie, ja Here…..ek verlang nie meer nie! Die oue is verby die nuwe het gekom…My gesig is gerig op U en U Troon Here God om U Koninkryk te bou…Ek het te veel om te doen Here, om te tob oor die verlede en die “goeie ou dae” …om te tob oor dinge wat ek gehad het…en nou nie het nie.. AL daai dinge is nou vir my soos vullis, riool…in vergelyking met dit wat ek in U het. God is Genoeg…vir my.” AMEN

Alle Regte Voorbehou

GiG-Vrou Tania Bisset  

Journey with Jesus Devotional  (Tania Bisset  alle regte voorbehou)

PS: Kom ek getuig so stukkie persoonlike hart met jou wat vandag ontvou het en my in trane laat swem het, ja nie hartseer trane…DANKBARE HART TRANE…toe ek die woorde van my seun ontvang …mag jy deur die deel my hart in hierdie blog raaklees!

“Moeksie is regtig n voorbeeld vir ons almal, om deur alles en met so min nogsteeds te GLO en so passievol te wees oor die Here!!! Ek weet dit kan nie altyd maklik wees nie, dat Moeks hard werk maar nie die geld kry wat ma verdien om ook iets so eenvoudig soos n tv te kan koop nie!! Maar ek bid dat Moeksie geluk en sukses sal vind bo Moeksie se verwagtinge!!! En al het moeks nie n ma of pa nie het moeksie ALTYD vir  MY as moeks se kind en familie en ek s lief vir ma nes ma is!!!!!!

Ek antwoord hom: “ Ai my kind, jy maak my sommer huil…God is Genoeg my kind, mag jy dit erf by my dis n skat wat geld nie kan koop nie, n liefde wat  niks en niemand en die wereld jou nie kan bied nie my kind, lief jou…dankie… mamma xxx”

Hy gaan aan…. “ Weet ma, al het ma nie eens matriek nie is moeksie altyd die een wat ek (wat matriek het) vra vir raad en moeksie is altyd die een wat  altyd antwoorde het vir my en vir almal anders ook! Lief vir Moeksie!!! Moet asb nie te laat werk nie ne…”

Ek antwoord terug “ Ek het nie woorde, my woorde is  min, my hart loop oor van dankbaarheid…ook vir jou my kind… wat n voorreg om jou moeksie te wees…onthou altyd: vals note swart note op die klavier van die lewe is ook nodig anders word die lied nie perfek afgerond nie…dankie tog die swart note is baie minder as die wittes, ne… Mwahx Mamma het jou liewer as lief, ek is lief en dankbaar vir jou… jy maak my glimlag en ek weet God glimlag en deel n traan met my en jou oor ons goue oomblikke – diep dankbaarheid in die mees eenvoudigste eenvoud dae van my lewe. . . prysloos my kind prysloos!  God is Genoeg dis jou erfenis jou skat wat ek jou gee… ALTYD JOU MOEKSIE xxx